Baş səhifə
   
 
STRUKTUR
Baş direktor
İcraçı direktor
Baş menecer
Elmi katib
 
HAQQIMIZDA
İnstitutun tarixi
İnstitutun elmi şurası
 
ŞÖBƏLƏR
Klassik folklor şöbəsi
Türk xalqları folkloru şöbəsi
Dədə Qorqud şöbəsi
Aşıq yaradıcılığı şöbəsi
Folklor nəzəriyyəsi şöbəsi
Mifologiya şöbəsi
Cənubi Azərbaycan şöbəsi
Müasir folklor şöbəsi
Mərasim folkloru şöbəsi
Folklor və yazılı ədəbiyat şöbəsi
Folklorun toplanması və sistemləşdirilməsi şöbəsi
Musiqi folkloru şöbəsi
Təhsil şöbəsi
Azsaylı xalqların folkloru şöbəsi
Folklor fondu
Xarici əlaqələr şöbəsi
Kadrlar şöbəsi
Redaksiya-nəşr bölməsi
"Qorqud" folklor ansamblı
Folklor studiyası
Kitabxana
Mühasibatlıq
Sənədlərlə iş şöbəsi
Təchizat şöbəsi
Sayğac
free counters
 
17.01.2023

SEYFƏDDİN HƏMZƏ OĞLU QƏNİYEV

(1952-2023)

Azərbaycan elmi ictimaiyyətinə ağır itki üz vermişdir!
Tanınmış folklorşünas alim, filologiya elmləri doktoru, professor Seyfəddin Qəniyev 16 yanvar 2023-cü il tarixində, ömrünün 71-ci ilində həyata vida etmişdir.
Seyfəddin Həmzə oğlu Qəniyev 28 mart 1952-ci ildə Şamaxı rayonunun Dağ Kolanı kəndində anadan olmuşdur. Nərimankənd orta məktəbini tərifnamə ilə, Azərbaycan Dövlət Pedaqoji İnstitutunun Filologiya fakültəsini fərqlənmə diplomu ilə bitirmişdir. Sonra həmin institutun aspiranturasında təhsil almışdır. Bir müddət Şamaxı rayonu Göylər kənd orta məktəbində müəllim kimi çalışmışdır. Məktəbdə işlədiyi müddətdə “Metodist müəllim”, “SSRİ Maarif əlaçısı” adlarına layiq görülmüş, Azərbaycan müəllimlərinin dördüncü qurultayının nümayəndəsi olmuşdur.
Seyfəddin Qəniyev 1993-2001-ci illərdə Azərbaycan Dövlət Pedaqoji Universitetinin Şamaxı filialında, 2003-2011-ci illərdə Azərbaycan Müəllimlər İnstitutunun Şamaxı filialında müxtəlif vəzifələrdə çalışmışdır. 2012-ci ildən AMEA Folklor İnstitutunda aparıcı elmi işçi kimi fəaliyyət göstərmişdir.
Seyfəddin Qəniyev 1992-ci ildə “M.F.Axundovun “Kəmalüddövlə məktubları” əsərinin bədii metod və janr xüsusiyyətləri” mövzusunda namizədlik, 2002-ci ildə “Azərbaycan folklorunun regional özunəməxsusluğu: Şirvan folklor mühiti” mövzusunda doktorluq dissertasiyası müdafiə etmişdir. Azərbaycan Yazıçılar Birliyi və Azərbaycan Aşıqlar Birliyinin üzvü olmuş, Azərbaycan Respublikası Prezidentinin Fərmanı ilə 2009-cu ildə “Tərəqqi medalı” ilə təltif edilmişdir.
Alim 40 kitabın (monoqrafiya, toplu, metodik tövsiyə və s.), 120-dən çox tezis və məqalənin müəllifi idi. Onun “Şamaxı alimləri – elm fədailəri” (Bakı: Ozan, 1997), “XX əsr Şirvan şairləri” (Bakı: Ozan, 1997), “Şamaxı şəhidləri” (həmmüəllifli, 1997), “Şirvanın 350 şairi” (həmmüəllifli, 1999), “Aşıq şeirinin poetikası” (Bakı: ADPU, 1999), “Şamaxı məktəbləri, maarif fədailəri” (həmmüəllifli, 1999), “1918-ci il Şamaxı soyqırımı” (Bakı: Nurlan, 2003), “Azərbaycan folklor antologiyası (Şirvan folkloru)” (Bakı: Səda, 2005), “S.Ə.Şirvani ocağı” (Bakı: Nurlan, 2013) və başqa əsərləri xüsusi əhəmiyyət kəsb edir.
Şərəfli və məhsuldar bir ömür yaşamış Seyfəddin Qəniyevin əziz xatirəsi onu tanıyanların qəlbində ədəbi yaşayacaqdır.
Allah rəhmət eləsin!

 
ELMİ İSTİQAMƏT
Dissertasiya Şurası
Araşdırmalar
İnnovasiya
Avtoreferatlar
Qanunvericilik
Simpoziumlar
 
LAYİHƏLƏR
Azərbaycan Folklor Antologiyası
Azərbaycan Folkor Külliyyatı
Güney Azərbaycan folkloru
Qarabağ folkloru
Qarabağ savaşı
   
Video
Arxiv
Saytın xəritəsi
Bizimlə əlaqə
   
 
LİNKLƏR







 
           SAYTDA  AXTAR
 
        © Azərbaycan Milli Elmlər Akademiyası
         FOLKLOR  İNSTİTUTU

Bütün hüquqlar qorunur. Yazılardan istifadə edərkən sayta istinad olunmalıdır. 2008.